Ёдгории таърихи – табии Чилучорчашма ва силсилаи нуқтаҳое, ки аз онҳо бозёфтҳои асри сангин кашф шудаанд, дар атрофи ҳамин чашмаи машҳур воқеъ мебошанд. Мазори қадимӣ маҳфуз намондааст ва ба ҷои он бинои ҳозиразамон сохта шудааст. Анвоъи олоти сангин (тақрибан 100 адад) аз он далолат мекунанд, ки маскан ба давраи мезолим мансуб аст. Санагузорӣ ба ҳазораи VIII-VII пеш аз милод мансуб мебошад.
