Ҳамватанони азиз!
Ҳамаи Шуморо бо муносибати Иди саиди Қурбон самимона табрику таҳният менамоям. Орзу дорам, ки ин иди муборак ба ҳар хонадони тоҷик сулҳу сафо, баракату фаровонӣ, тандурустӣ ва хушбахтӣ оварад.
Иди Қурбон яке аз арзишмандтарин ойинҳои диниву фарҳангии мардуми мусулмон буда, мардумро ба меҳрубонӣ, саховатмандӣ, ҳамдигарфаҳмӣ ва дастгирии ниёзмандон ҳидоят мекунад. Боиси ифтихор аст, ки мардуми сарбаланди Тоҷикистон бо эҳтиром ба суннатҳои миллӣ ва арзишҳои волои инсонӣ барои ободии Ватан ва таҳкими ваҳдати ҷомеа саҳми арзанда мегузоранд.
Имрӯзҳо, ки Тоҷикистони азизи мо дар фазои сулҳу субот ва ваҳдати миллӣ рушду пешрафт дорад, ҳифзу эҳёи мероси таърихию фарҳангӣ ва арзишҳои маънавии миллат вазифаи муқаддаси ҳар яки мо мебошад.
Бо таманниёти нек, бори дигар ҳамаи шуморо бо Иди Қурбон муборакбод гуфта, бароятон зиндагии осуда, рӯзгори пурфайз ва комёбиҳои нав орзу менамоям.
Иди Қурбон муборак!
